എന്‍ ജീവിതമാം ഈ മരക്കൊമ്പില്‍ ....

എന്‍ ജീവിതമാം ഈ മരക്കൊമ്പില്‍ 
നിന്‍റെ വരവിനായ് കാത്തിരിപ്പൂ....(2)
എന്‍ നാമമൊന്നു നീ വിളിക്കുവാനായി
ആശയോടെന്നും ഞാന്‍ പാര്‍ത്തിരിപ്പൂ....(2)...
എന്‍ ജീവിത...

കദനം തിങ്ങുമെന്‍ കൂടാരവാതില്‍ക്കല്‍
കരുണതന്‍ കടാക്ഷമായ് ഒന്നണയൂ...(2)
പങ്കില നിമിഷങ്ങള്‍ മറന്നിടാം ഞാനിനി
ചാരേ വരുന്നു ഞാന്‍ വിരുന്നൊരുക്കാന്‍
നിനക്കായ്...വിരുന്നൊരുക്കാന്‍
വിരുന്നൊരുക്കാന്‍......(എന്‍ ജീവിതമാം.....)

സ്വാര്‍ത്ഥത പുകയും ഈ മരുഭൂമിയില്‍
കൈമുതല്‍ മുഴുവന്‍ ഞാന്‍ പങ്കുവയ്ക്കാം...(2)
കൈവിരല്‍ തുമ്പൊന്നു നീട്ടി നീ എന്നുടെ
അന്ധതയെല്ലാം അകറ്റുകില്ലേ...
ഇന്ന്...അകറ്റുകില്ലേ....
അകറ്റുകില്ലേ......(എന്‍ ജീവിതമാം....)