പിതാവേ അനന്തനന്മയാകും പരമോന്നതാ...

പിതാവേ അനന്തനന്മയാകും
പരമോന്നതാ...
ഹൃദയം തുറന്ന് സ്നേഹമേകും
കരുണാമയാ.......(2)

കൃപയോലുമേക നാമം
പരിപൂജ്യം ആയിടേണം
തിരുവിഷ്ടം എന്നുമിവിടെ
പ്രീയമാകണം...നിറവേറണം.....(പിതാവേ....)

ഗുരുനാഥനായി നീ കൂടെയുണ്ടാവുകില്‍
ചെയ്യുന്നതാകയും ഫലമായിടും...(2)
ഭരമേറ്റ കാര്യമേതും ആശ്വാസദായകന്‍-
മിഴിവോടെ പൂര്‍ത്തിയാക്കുവാനും
കഴിവേകിടും......(പിതാവേ....)

അനുസ്യൂതമാരിലും നീ വന്നു വാഴുകില്‍
ബലഹീന ജീവിതം ജയമാര്‍ന്നിടും....(2)
ഭയമേതും ഏശിടാതെ ഏതേതു ക്ലേശവും-
അവനായി ഏറ്റുവാങ്ങിടാനും
മനസ്സാകണം.....(പിതാവേ....)